Тожикистом махсус хизматлари Россия ҳарбий базасида ва рус мактабида терактлар тайёрлашда гумон қилинаётган 12 кишилик гуруҳни қўлга олди, деб ёзади «РИА Новости» мамлакат миллий хавфсизлик давлат қўмитасига таяниб.
Гуруҳ ИШИД ташкилоти топшириғи билан 201-Россия ҳарбий базасида ва Душанбедаги Россия мудофаа вазирлиги мактабида теракт уюштирмоқчи бўлган.
Террорчилар Душанбе жануби-ғарбидаги хонадонда ушланган. Мамлакат ҳукумати ушбу ахборотни расман тасдиқлаганича йўқ.
Аммо Тожикистондаги Россия ҳарбий базасида ушбу маълумотдан кейин хизмат ўташнинг кучайтирилган режимига ўтилгани айтилмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)