Ғазо секторидан Исроил бўйлаб камида 10 та ракета отилди. Бу Исроил армиясининг ҲАМАС дала қўмондонларидан бирини йўқ қилиш бўйича махсус операциясига жавобан амалга оширилди, деб ёзади «Эхо Москви».
Исроил махсус хизматлари Ғазо сектори жанубига 11 ноябрь куни кечқурун бостириб кирди. Maxсус хизматлар ҲАМАС жангари қаноти позицияларига 40 тага яқин ракета ташлаган. Ҳужум оқибатида ҲАМАС қўмондонларидан бири Нуриддин Салом Барак ҳалок бўлди.
Қайд этилишича, ҳужум оқибатида Ғазо секторида яшовчи етти киши ҳалок бўлган.
Юзага келган отишма оқибатида эса Исроил махсус хизмати офицери ҳам ҳалок бўлди. Буни Исроил мудофаа армияси ҳам тасдиқлаган.
Тел-Авивнинг ҳаракатларига жавобан Фаластин радикаллари камида 10 та ракета отган.
Зиддият ҳозирда ҳам давом этмоқда. Ушбу зиддият туфайли Исроил бош вазири Биньямин Нетаньяху ўзининг Париж сафарига муддатидан аввал якун ясаган. У Биринчи Жаҳон уруши тугашига 100 йил тўлиши муносабати билан ўтказилаётган тадбирларда иштирок этаётган эди.
Изоҳ (0)