Суриянинг Дайр-аз-Зор вилоятида АҚШ бошчилигидаги коалиция томонидан берилган авиазарба оқибатида камида 26 нафар тинч аҳоли вакили ҳалок бўлди. Бу ҳақда «Корреспондент.net» хабар бермоқда.
Қайд этилишича, коалиция Хажин шаҳридаги Хавама тумани бўйлаб авиазарба берган.
Ҳалок бўлганлар орасида аёллар ва болалар бор эканлиги айтилмоқда.
Агентлик хабарида шаҳар инфратузилмасига етказилган зарар кўлами ва жабрланганларнинг аниқ сони ҳақида маълумотлар келтирилмаган.
Эслатиб ўтамиз, ўтган ҳафтада ҳам АҚШ коалицияси Дайр-аз-Зор вилоятига берган зарба оқибатида 14 нафар тинч аҳоли вакили ҳалок бўлган эди.
Изоҳ (0)