Туркманистон пойтахти — Ашхободда сўнгги бир ҳафта давомида давлат дўконларида нон етишмаслиги, хусусий савдо нуқталарида эса унинг қимматлашиши кузатилмоқда. Бу ҳақда «Хроники Туркменистана» нашри хабар берди.
«Сўнгги кунларда нон жадвал бўйича келтирилмаяпти, шу сабабли одамлар машина ташувчи нонни узоқ вақт давомида, кўпинча ёмғир остида кутишга мажбур бўляпти. Одамлар ёмғирдан пана жой излаб айвонлар ёки подездлар бўғотлари остида турмоқда. Машина ташувчи нон келиши билан одамлар унга қараб югурмоқда ва нонни ҳали тушириб улгуришмасларидан, машинада пайтидаёқ сотиб олмоқда», — дейилади хабарда.
Шу билан бирга, сотувчилар бир кишига биттадан обинон бермоқда, шунинг учун катта оилалар гуруҳ бўлиб келишга ва навбатда бир неча маротаба туришга мажбур бўляпти. Баъзи нон дўконлари эса ишламаяпти.
Вазиятни хусусий дўконлар қутқармоқда, бироқ у ерда нон нархи давлат дўконларига қараганда икки-олти марта баландроқдир.
Изоҳ (0)