Turkmaniston poytaxtida non uchun navbatlar yuzaga keldi

Turkmaniston poytaxti — Ashxobodda so‘nggi bir hafta davomida davlat do‘konlarida non yetishmasligi, xususiy savdo nuqtalarida esa uning qimmatlashishi kuzatilmoqda. Bu haqda “Xroniki Turkmenistana” nashri xabar berdi.

“So‘nggi kunlarda non jadval bo‘yicha keltirilmayapti, shu sababli odamlar mashina tashuvchi nonni uzoq vaqt davomida, ko‘pincha yomg‘ir ostida kutishga majbur bo‘lyapti. Odamlar yomg‘irdan pana joy izlab ayvonlar yoki podyezdlar bo‘g‘otlari ostida turmoqda. Mashina tashuvchi non kelishi bilan odamlar unga qarab yugurmoqda va nonni hali tushirib ulgurishmaslaridan, mashinada paytidayoq sotib olmoqda”, — deyiladi xabarda.

Shu bilan birga, sotuvchilar bir kishiga bittadan obinon bermoqda, shuning uchun katta oilalar guruh bo‘lib kelishga va navbatda bir necha marotaba turishga majbur bo‘lyapti. Ba’zi non do‘konlari esa ishlamayapti.

Vaziyatni xususiy do‘konlar qutqarmoqda, biroq u yerda non narxi davlat do‘konlariga qaraganda ikki-olti marta balandroqdir.