Лондон суди расмийлар томонидан маблағларни талон-тарож қилишда айбланган Озарбайжон Халқаро банки собиқ президенти Жаҳонгир Гажиевнинг рафиқаси Замира Гажиевани гаров асосида қўйиб юборди. Бу ҳақда Meduza хабар бермоқда.
Гаров пули 500 минг фунт стерлингни (655 минг доллар) ташкил этди. Гажиева энди ҳар куни полицияда кўриниб туришига тўғри келади.
Шунингдек, унга кечки соат 9 дан сўнг уйни тарк этиш, халқаро вокзал ва аэропортларга яқинлашиш, Лондондан ташқарига чиқиш ман этилди.
Маълумот учун, 55 ёшли Замира Гажиева Лондонда 6 ноябрь куни Озарбайжон расмийларисўровига кўра ҳибсга олинганди. Унинг Лондондаги Найцбридж туманида ҳашаматли уйи борлиги, 2006—2016 йилларда Harrods универмагида 16,3 миллион доллар сарфлагани билдирилади.
Изоҳ (0)