9 ноябрь, жума куни футбол бўйича Ўзбекистон Pepsi Суперлигасининг 30-тури доирасида учта беллашув бўлиб ўтди.
Куннинг дастлабки ўйинида юқори олтиликда пешқадам бўлиб турган «Локомотив» жамоаси «Бухоро»ни қабул қилиб, 4:0 ҳисобида ғалаба қозонди ва чемпионликка катта қадам ташлади.
Ўзбекистон Кубоги соҳиби АГМК Олмалиқда «Қўқон-1912» жамоаси билан беллашиб, 1:3 ҳисобида мағлубиятга учради.
Қуйи олтиликда Суперлигада қолиш учун курашаётган икки жамоа — «Нефтчи» ва «Сўғдиёна» Фарғонада ўзаро ҳисоб-китоб қилди. Учрашув тақдирини 89-дақиқда жиззахликлар легионери Никола Милинкович томонидан киритилган гол ҳал этди. У пенальтидан гол уриб, «Сўғдиёна»га муҳим уч очкони тақдим этди.
«Нефтчи» эса мазкур мағлубият сабаб Суперлигани муддатидан аввал тарк этди. Боиси фарғоналиклар ҳисобида ҳозирда 17 очко мавжуд ва улар сўнгги ўринда. АГМК ва «Сўғдиёна» жамоалари эса 23 очкодан жамғариб, қуйи олтиликда 4 ва 5-ўринни банд этиб турибди. Агар «Нефтчи» кейинги 2 та ўйинда 6 очкога эга бўлса ҳам ўзар ўйинлардаги паст натижалар сабаб улардан пастга жойлашади.
Pepsi Суперлига
30-тур беллашувлари
9 ноябрь, жума
«Локомотив»—«Бухоро» 4:0
Голлар: 1:0 — 23 Анзур Исмоилов, 2:0 — 63 Темурхўжа Абдухолиқов, 3:0 — 74 Санжар Шоаҳмедов, 4:0 — 90 Азиз Амонов.«Нефтчи»—«Сўғдиёна» 0:1
Гол: 0:1 — 89,пенальти Никола Милинкович.АГМК—«Қўқон-1912» 1:3
Голлар: 1:0 — 2 Музаффар Музаффаров, 1:1 — 49 Ойбек Рустамов, 1:2 — 64 Беҳруз Саъдуллоев, 1:3 — 83 Суҳроб Бердиев.10 ноябрь, шанба
Изоҳ (0)