10 ноябрь, шанба куни футбол бўйича Англия премьер лигасида 12-тур баҳслари бошланади. Кун тақвимидан 6 та учрашув ўрин олган.
Турнинг дастлабки баҳсида «Кардифф Сити» жамоаси «Брайтон»ни меҳмон қилади. Баҳс 16:30 да бошланиши белгиланган. Шунингдек, «Лестер» ўз майдонида «Бёрнли» клубини қабул қилса, «Вест Ҳэм» «Ҳаддерсфилд» меҳмони бўлади. Иккала беллашув ҳам 19:00 да бошланади.
Кучли тўртликда бораётган «Тоттенҳэм» эса шу куни 14-ўриндаги «Кристал Пэлас» майдонига сафар қилади. Ўйин 21:30 бошланиши белгиланган.
Кучли бешлик жамоалари эса ўз учрашувларини 11 ноябрь, якшанба куни ўтказади. Жумладан, «Ливерпуль» сўнгги ўриндаги «Фулҳэм»ни синовдан ўтказса, «Челси» 9-ўриндаги «Эвертон» билан баҳсга киришади. Лондоннинг «Арсенал» клуби эса ўз майдонида «Вулверҳэмптон» жамоаси билан куч синашади.
Турнинг марказий ўйини эса Манчестер шаҳридаги «Etihad» стадионида кечади. Унда Хосеп Гвардиола бошчилигидаги АПЛ карвонбошиси «Манчестер Сити» Жозе Моуриньо етакчилигидаги «Манчестер Юнайтед»га қарши баҳс олиб боради.
12-турдан олдинги ҳолат
Англия премьер лигаси
12-тур беллашувлари
10 ноябрь, шанба
Изоҳ (0)