АҚШ президенти Дональд Трамп Яманда август ойида болалар ўтирган автобуснинг Саудия Арабистони бошчилигидаги коалиция томонидан ўққа тутилиши ҳолатини изоҳлади, деб ёзади «Корреспондент.net».
У ҳодисани саудиялик аскарлар томонидан қурол-яроғдан нотўғри фойдаланиш оқибатида келиб чиққан фожиа деб атади.
«Автобус ва болалар билан содир бўлган воқеа — даҳшатли вазият. Саудиялик аскарлар шунчаки қуролдан қандай фойдаланишни билмаган. Мен армияда қуролни қўллай олмайдиган ва болалар ўтирган автобусларни ўққа тутадиган одамларни ушлаб ўтирмаган бўлардим», — деди Трамп.
Эслатиб ўтамиз, 9 август куни Яман шимолидаги Саъда шаҳрида болалар ўтирган автобус Саудия Арабистони бошчилигидаги коалиция томонидан берилган авиазарба остида қолганди. Камида 29 нафар бола ҳалок бўлиб, 30 дан ортиғи яраланган эди. Зарба чоғида Америкада ишлаб чиқарилган бомбадан фойдаланилган.
Изоҳ (0)