Россиянинг Астрахан вилоятида «Газель»нинг паромдан дарёга қулаши натижасида ўзбекистонлик фуқаро ҳалок бўлди. Бу ҳақда «Podrobno.uz» хабар берди.
Қайд этилишича, Восток қишлоғида истиқомат қилувчи 1994 йилда туғилган фуқаро қўшни қишлоқдан сув олиб келиш учун «Газель» автомашинасида йўлга чиқади. Унга ҳамроҳ сифатида эса 1997 йилда туғилган Ўзбекистон фуқароси ҳам йўлга отланади.
Енотевка дарёси қирғоқларига яқинлашганда ҳайдовчи тормоз босишга ҳаракат қилади, бироқ бунинг уддасидан чиқа олмайди. Кейин эса паромга етиб бориб, ундан машина ва йўловчи биргаликда дарёга тушиб кетади.
Ҳайдовчи чўкаётган машинадан чиқиб, ўзбекистонлик йигитни чиқариб олган, бироқ қирғоққа қадар етиб бора олмаган. Айни дамда воқеа жойида Фавқулодда вазиятлар бошқармаси ходимлари иш олиб бормоқда. Полиция эса мазкур ҳодиса бўйича текширув бошлади.
Изоҳ (0)