«Рома» ҳамда Босния ва Герцеговина терма жамоаси ҳужумчиси Эдин Жеко Европанинг энг кўп гол урган Топ-10 футболчилари рўйхатига кирди. Бу ҳақда Football Italia хабар берди.
Жеко Миллатлар Лигаси мусобақасининг Шимолий Ирландияга қарши ўтган баҳсида дублга эришди. Шу тариқа унинг терма жамоасида урган голллари сони 55 тага етди. Эдинга бундай натижага эришиши учун 97 та учрашув керак бўлди. Айни дамда Жеко 10-ўринни Роберт Левандовски (Польша) ва Ян Коллер (Чехия) билан бўлишиб турибди. Уларнинг ҳисобида ҳам 55 тадан гол бор.
8-ўриндаги Имре Шлоссер (Венгрия) ва Давид Вилья (Испания) 59 тадан гол уришга муваффақ бўлган. Рўйхатни 85 та гол билан Португалия терма жамоаси ҳужумчиси Криштиану Роналду эгаллаб турибди.
Изоҳ (0)