Футзал бўйича Ўзбекистон аёллар терма жамоаси аъзоси Ирода Турдалиева икки йил муддатга дисквалификация қилинди. Бу ҳақда Turon24 АА хабар берди.
Унга кўра, Турдалиева ОФК антидопинг қоидаларининг 6-бандини қўпол равишда бузганлиги учун 24 ой давомида футболга (футзалга) алоқадор барча турдаги фаолият билан шуғулланиши тақиқланган. Дисквалификация 2018 йилнинг 4 июлидан бошлаб ҳисобланади ва 2020 йилнинг 3 июлига қадар амал қилади.
Турдалиева Таиландда бўлиб ўтган футзал бўйича Осиё чемпионати вақтида допинг текширувидан ўтган ва унинг таҳлил натижалари ижобий натижа берган. Иродахоннинг айнан қандай тақиқланган модда истеъмол қилгани номаълум бўлиб қолмоқда.
Изоҳ (0)