Бугун, 11 октябрь куни кечаси соат 04:30 ларда Тошкентнинг Сергели туманидаги Sputnik-7 массивида ёнғин чиққани ҳақида пойтахт ички ишлар бош бошқармасига мурожаат келиб тушди, деб хабар беради бошқарма матбуот хизмати.
Ёнғин тери-таносил касалликлари диспансери балансида турувчи ва маиший эҳтиёжлар учун мослаштирилган бинода юз берган.
Тошкент шаҳар ИИББ ёнғин хавфсизлиги бўлими ходимлари ҳодиса жойига олти дақиқада етиб борган. Ёнғин соат 05:44 да бартараф этилган.
Ёнғин натижасида бинонинг ички қисми, томининг бир қисми ёниб кетган. Ҳодиса оқибатида ҳеч ким жабрланмаган.
Тахмин қилинишича, ёнғин электр симларининг қисқа туташуви натижасида юзага келган.
Изоҳ (0)