Самарқанд вилояти Пахтачи туман адлия бўлимига фуқаро Дилором Абдуллаева ариза билан мурожаат қилиб, Пахтачи туман Қурилиш комммунал хўжалик касб ҳунар коллежида ишлаши, август ойида ишлаган 5 кунлик ойлик иш ҳақидан коллеж кассири нотўғри ушлаб қолганлиги баён қилган, деб хабар беради «Дарё» мухбири Фарҳод Норбўтаев.
Аризани ўрганиш давомида аниқланган ҳолатлар юзасидан 2018 йил 13 сентябрь куни 1-15/257-сонли тақдимнома киритилиб, тақдимномага асосан икки нафар ходимга нисбатан интизомий жазо қўлланилди.
Тумандаги «Добусқалъа» МФЙда яшовчи фуқаро Гулсара Самиева фарзандлари Асилбек Аринов ва Муҳаммадали Ариновларни туғилганлик фактини белгилашда судга даъво ариза киритишда ёрдам сўраган. Ариза асосида 2018 йил 5 сентябрь куни ФИД Каттақўрғон туманлараро судига даъво аризалар киритилиб, даъво аризалар суд томонидан қаноатлантирилди.
Шунингдек, Нуробод туман адлия бўлимига туманнинг энг олис ҳудудларидан бири «Саҳоба» МФЙ, «Жийдали» қишлоғида яшовчи фуқаро Ш.Тошниёзов мурожаат қилиб, «Саҳоба» МЧЖдан ноқонуний ишдан бўшатилганлигини баён қилган. Аризачи 2016 йилда ноқонуний ишдан бўшатилганлиги сабабли, 2 йил давомида бир нечта ташкилотларга мурожаат қилган, аммо ижобий натижа бермаган. Нуробод туман адлия бўлимининг аралашуви натижасида Ш.Тошниёзов ишга тикланди.
Изоҳ (0)