Ўзбекистон экология ва атроф-муҳитни муҳофаза қилиш давлат қўмитаси ҳузуридаги «Maxсустранс» ДУК ва Қарағанда шаҳри «ГорКомТранс» корхонаси ўртасида ҳамкорлик тўғрисидаги Меморандум имзоланди, деб хабар беради Тошкент шаҳар ҳокимлиги ахборот хизмати.
Ушбу меморандумдан кўзланган асосий мақсад икки корхона ўртасида маиший чиқиндиларни тўплаш, ташиш, саралаш ва қайта ишлаш масалалари юзасидан ўзаро ҳамкорликни йўлга қўйишдан иборат.
Ушбу масалаларни муҳокама қилиш учун Тошкент шаҳар ҳокимлигида Қарағанда шаҳри ҳокимияти вакиллари билан учрашув бўлиб ўтди.
Учрашувда келгусида амалга ошириладиган ишлар аниқ белгилаб олинди.
Бундан ташқари, томонлар Тошкент шаҳрида ҳамкорликда қаттиқ маиший чиқиндиларни қайта ишловчи завод қуриш бўйича келишувга эришди.
Изоҳ (0)