Ўзбекистон Республикаси Президентининг «Ички ишлар органлари фаолиятини янада такомиллаштиришга доир ташкилий чора-тадбирлар тўғрисида»ги қарори ижросини таъминлаш юзасидан Самарқанд тумани Ички ишлар бўлимига қарашли 21-сонли ИИБ маъмурий биноси янгидан қуриб, фойдаланиш учун топширилди. Бу ҳақида «Дарё» мухбири Фарҳод Норбўтаев хабар бермоқда.
Тумандаги Қайнама массивида янгидан қуриб битказилган ички ишлар бўлинмаси ҳудуддаги 11 та маҳалла фуқаролар йиғинларидаги 30 мингга яқин аҳолига хизмат қилади. Ушбу ҳудудда 5 та мактабгача таълим муасасаси ва 8 та умумтаълим мактаблари жойлашган.
Авваллари Қайнама массиви аҳолиси паспорт олиш учун туман марказидаги Ички ишлар бўлимига бориб мурожаат қилган бўлса, энди бу ишларни шу ернинг ўзида бажариш имкони пайдо бўлди.
Ички ишлар биносининг фойдаланишга топширилиши соҳа ходимларининг касб байрамида муносиб совға бўлди.
Изоҳ (0)