Мажбурий ижро бюронинг Самарқанд шаҳар бўлими томонидан фуқаро А.Аҳмедовнинг аризаси бўйича текширув ўтказилди. Бу ҳақда МИБнинг Самарқанд шаҳар бўлими матбуот хизмати «Дарё» га хабар бермоқда.
Ўрганишда, «Самарқандшаҳаргаз» собиқ ходими А.Қ. «Хўжақишлоқ» маҳалласида яшовчи фуқаро А.Аҳмедовни алдаб унинг ишончига кириб, хонадонига табиий газ ҳисоблагич ўрнатиш, хонадон газ лойиҳасини тузиш ва ҳисоблагични марказлашган базага киритиб бериш эвазига 600 000 сўм пулларни фирибгарлик йўли билан олиб ўзининг эҳтиёжлари учун ишлатиб юборганлиги маълум бўлди.
Фирибгарликка қўл урган А.Қ.га нисбатан Жиноят Кодексининг 168-моддаси (фирибгарлик) 1-қисм билан айб эълон қилиниб, ҳужжатлар прокуратурага юборилди.
Изоҳ (0)