Ироқ пойтахти Бағдод шаҳрининг Ал-Карк тумани жиноий ишлар суди ИШИД етакчиси Абу Бакр ал-Бағдодийнинг ўринбосарларидан бирини ўлим жазосига ҳукм қилди. Бу ҳақда «РИА Новости» хабар берди.
Хабар берилишича, айбланувчи Исмоил ал-Айсавий терроризм ҳақидаги модда бўйича осиб ўлдириш жазосига ҳукм қилинган.
Таъкидланишича, айбланувчи Сурияга қочиб кетган, кейин эса Туркияга. Шундан сўнг у Туркия билан ҳамкорликда олиб борилган разведка туфайли қўлга олинган.
Ал-Айсавий ташкилотда турли лавозимларни эгаллаган. Хусусан, у фатво қўмитасида ишлаган ва ташкилот учун ўқув дастурларини тузишга масъул бўлган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)