Iroq poytaxti Bag‘dod shahrining Al-Kark tumani jinoiy ishlar sudi IShID yetakchisi Abu Bakr al-Bag‘dodiyning o‘rinbosarlaridan birini o‘lim jazosiga hukm qildi. Bu haqda “RIA Novosti” xabar berdi.
Xabar berilishicha, ayblanuvchi Ismoil al-Aysaviy terrorizm haqidagi modda bo‘yicha osib o‘ldirish jazosiga hukm qilingan.
Ta’kidlanishicha, ayblanuvchi Suriyaga qochib ketgan, keyin esa Turkiyaga. Shundan so‘ng u Turkiya bilan hamkorlikda olib borilgan razvedka tufayli qo‘lga olingan.
Al-Aysaviy tashkilotda turli lavozimlarni egallagan. Xususan, u fatvo qo‘mitasida ishlagan va tashkilot uchun o‘quv dasturlarini tuzishga mas’ul bo‘lgan.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)