Ҳиндистон марказидаги Чҳаттисгарҳ штатида полиция махсус бўлинмалари ва маочи-жангарилар ўртасидаги тўқнашувлар оқибатида камида 15 нафар жангари ҳалок бўлган. Бу ҳақда «РИА Новости» хабар бермоқда.
Хабар беришарича, 6 август, жума куни камида 15 нафар жангари йўқ қилинганидан ташқари кўплаб миқдордаги қурол-яроғ захираси ҳам аниқланиб, мусодара қилинган.
Қайд этишларича, полиция йўқ қилинган жангарилардан бири маочиларнинг таниқли дала қўмондонларидан бири эканлигини аниқлаган. Қолганларнинг шахси номаълум.
Ҳиндистонда наксаллар деб аталувчи жангари маочилар Ҳиндистоннинг Биҳар, Чҳаттисгарҳ, Жарҳанд, Орисса каби штатларида фаол ҳаракат қилади.
Улар асосан жунглиларда яширинча, партизанча кураш олиб бориб, мунтазам равишда аҳоли пунктларига, ҳукумат вакилларига ҳужум уюштириб туради.
Маочи-жангарилар 1960 йиллардан бери Ҳиндистон марказий ҳукуматига қарши, «деҳқонларни капитализм исканжасидан қутқариш» шиори остида курашиб келади.
Изоҳ (0)