Дания расмийлари юзни ёпиб турувчи кийим кийган аёлларни жаримага торта бошлади — тегишли қонун 1 августдан кучга кирди, деб ёзади «Корреспондент.net».
Хёрсолм шаҳрида савдо марказининг эскалаторида жанжаллашиб қолган ниқобли (фақат кўзлари очиқ) икки аёл қўлга олинган. Улар полицияга етказилган ва у ерда аёлларнинг ҳар иккаласи 1 минг Дания крони (160 доллар атрофида) миқдорида жаримага тортилган.
3 август, жума куни Копенгаген ва Орхусда норозилик намойишлари бўлиб ўтди. Акция иштирокчилари қонунни бекор қилишни талаб қилган. Полиция маълумотига кўра, намойишда 1,3 мингга яқин одам қатнашган.
Юзни ёпиб турувчи кийим кийишни тақиқловчи қонун Дания парламенти томонидан июль ойи охирида қабул қилинган эди. 1 августдан қоидабузарларга нисбатан 1 минг крон миқдоридаги (биринчи қоидабузарлик учун), уч ва ундан ортиқ қоидабузарлик учун 10 минг кронгача (1,6 минг доллар) жарима таҳдид қилади.
Бу каби қонунлар аллақачон Австрия, Болгария, Франция, Бельгия ва Швейцария кантонларидан бирида амал қилади.
Изоҳ (0)