Лондоннинг “Арсенал” клуби марказий ҳимоячи Уилям Салиба билан янги шартнома бўйича музокараларни бошлади. Бу ҳақда NYTimes нашри хабар берди.
Маълумотларга кўра, Мадриднинг “Реал” клуби 23 ёшли француз ҳимоячисига қизиқиш билдирмоқда. Ушбу хабарлар фонида “Арсенал” раҳбарияти Салибани жамоада олиб қолиш учун жиддий ҳаракат бошлаган. Клуб Салиба билан ҳамкорликни узоқ муддат давом эттиришни истамоқда.
Футболчи ҳам жамоада қолишдан манфаатдор. У Сингапурдаги мавсумолди йиғин доирасидаги “Ньюкасл”га қарши баҳсдан (3:2) кейин журналистларга қисқа интервью берди:
Умид қиламанки, яқин кунларда “Арсенал” билан янги шартнома имзолайман. Ҳозирча бу борада кўп нарса айта олмайман, лекин агентим ва клуб ўртасидаги музокаралар яхши ўтмоқда. Воқеалар ривожини кўрамиз, дейди франциялик ҳимоячи
Маълумот учун, Уилям Салиба 2019 йилда Франциянинг “Сент-Этьен” клубидан “Арсенал” сафига қўшилган. У 2024/25 йилги мавсум давомида жами 51 та ўйинда майдонга тушиб, 2 та гол муаллифига айланган.
Transfermarkt портали маълумотларига кўра, ҳозирда Салибанинг қиймати 80 миллион еврога тенг. Унинг “тўпчилар” билан шартномаси 2027 йилнинг ёзига қадар амал қилади.
Изоҳ (0)