Самарқандда 60948 абитуриентдан 4823 нафарининг ҳужжатларида хатоликлар аниқланди. Бу ҳақда Давлат тест маркази вилояти бўлими маълум қилди, дея хабар бермоқда «Зарафшон».
Қайд этилишича, вилоятдаги 8 та олий ўқув юрти қабул комиссиялари томонидан абитуриентлар ҳақида маълумотларни Давлат тест маркази базасига киритишда турли хатоликларга йўл қўйилган. Бу ҳолат Ички ишлар вазирлиги паспорт базаси билан солиштирганда ойдинлашган.
Жумладан, СамДAҚИда 1297 нафар абитуриент (жами абитуриентларнинг 16,1 фоизи) ҳақидаги маълумотларда турли хил хатолар кузатилган. Бу кўрсаткич ТАТУ Самарқанд филиалида 179 (8,2 фоиз), СамДУда 2180 (7,4 фоиз), СамМИда 400 (6,8 фоиз), СамИСИда 205 (6,5 фоиз), «Ипак йўли» туризм халқаро университетида 72 (6,1 фоиз), Самарқанд ветеринария медицинаси институтида 360 (5,6 фоиз), СамДЧТИда 189 (3,7 фоиз)ни ташкил этмоқда.
Айни пайтда қабул комиссиялари томонидан ушбу хатоликлар сабабларини аниқлаш ва уларни тузатиш чоралари кўрилмоқда.
Изоҳ (0)