Тошкентда Россиянинг «КБ Стрелка» компанияси томонидан амалга оширилаётган Амир Темур шоҳкўчаси реконструкциясининг биринчи босқичи бошланди. Бу ҳақда шаҳар ҳокимлиги матбуот хизмати маълум қилди.
Вазирлар Маҳкамасининг 26 июль куни бўлиб ўтган сайёр йиғилишида шоҳкўчанинг Осиё кўчасидан Кичик ҳалқа йўлигача бўлган қисмини транспорт учун 15 августгача ёпишга қарор қилинди.
Лойиҳа доирасида шоҳкўчани тўлиқ қайта режалаштириш, пиёдалар йўлакларини кенгайтириш ва автомобиль қўйиш бўлмалари ва велойўлаклар қўшиш кўзда тутилган. Сайр учун қулай шароитлар яратиш учун янги дарахтлар ўтқазиш белгиланган.
Метро яқинидаги чорраҳалар ва бошқа жойларда кичик майдончалар кўринишидаги аҳоли хордиқ чиқариш масканлари пайдо бўлади, пиёдалар йўлаклари тўсиқсиз муҳит ҳосил қилинади, расталар, чиқинди идишлари ва янги чироқлар ўрнатилади.
Чорраҳалар ва пиёдалар ўтиш жойлари ўтиш қисмини торайтириш ва эгиш, хавфсиз оролчалар кўринишидаги оқим тезлигини пасайтириш чоралари кўрилиши ҳисобига хавфсизроқ бўлади.
Изоҳ (0)