Дональд Трамп хорижга сафарларидан бирида самолётда одатда унинг турмуш ўртоғи томоша қиладиган телевизорнинг CNN каналини кўрсатаётганидан ғазабга келган. Бу ҳақда The New York Times’га таяниб, «ТАСС» хабар бермоқда.
Трамп ёрдамчиларига бақирган ва уларни барча телевизорлар фақатгина Fox News каналини кўрсатиши кераклиги ҳақидаги талабини бажармаганликда айблаган.
Трамп АҚШдаги либерал ОАВларни ўзи ва маъмуриятига нохолис муносабатда бўлишда айлблаган. Президентнинг фикрича, CNN, NBC, ABC телеканаллари, шунингдек, The New York Times сингари бир қатор нашрлар нотўғри маълумот тарқатиш билан шуғулланади. Маҳаллий ОАВ маълумотларига қараганда. Дональд Трамп Fox News телеканалини мунтазам равишда томоша қилади. Шунингдек, Трамп телеканалнинг бир қанча ходимлари билан дўстона муносабатда экани хабар қилинган. Бундан ташқари, Трамп энг кўп интервьюларни айнан шу канал мухбирларига беради.
Эслатиб ўтамиз, Трамп ОАВни Оқ уй билан боғлиқ янгиликларни нохолис ёритишда айблаган.
Изоҳ (0)