Tramp samolyotda televizorning CNN kanalini ko‘rsatayotganidan g‘azabga kelgan

Donald Tramp xorijga safarlaridan birida samolyotda odatda uning turmush ortog‘i tomosha qiladigan televizorning CNN kanalini ko‘rsatayotganidan g‘azabga kelgan. Bu haqda The New York Times’ga tayanib, “TASS” xabar bermoqda.

Tramp yordamchilariga baqirgan va ularni barcha televizorlar faqatgina Fox News kanalini ko‘rsatishi kerakligi haqidagi talabini bajarmaganlikda ayblagan.

Tramp AQShdagi liberal OAVlarni o‘zi va ma’muriyatiga noxolis munosabatda bo‘lishda aylblagan. Prezidentning fikricha, CNN, NBC, ABC telekanallari, shuningdek, The New York Times singari bir qator nashrlar noto‘g‘ri ma’lumot tarqatish bilan shug‘ullanadi. Mahalliy OAV ma’lumotlariga qaraganda. Donald Tramp Fox News telekanalini muntazam ravishda tomosha qiladi. Shuningdek, Tramp telekanalning bir qancha xodimlari bilan do‘stona munosabatda ekani xabar qilingan. Bundan tashqari, Tramp eng ko‘p intervyularni aynan shu kanal muxbirlariga beradi.

Eslatib o‘tamiz, Tramp OAVni Oq uy bilan bog‘liq yangiliklarni noxolis yoritishda ayblagan.