АҚШ раҳбарлигидаги ИШИД террорчилик гуруҳига қарши курашиш бўйича коалиция Стокгольмда 2017 йилдаги терактни уюштиришга алоқадор бир нечта жангариларни йўқ қилди, деб ёзади «РИА Новости».
«Коалиция кучлари 12 июнь куни Швецияда ҳужумларни тайёрлаган террорчилик ячейкасига алоқадор ИШИД разведкаси ходими Симакка зарба берди. 24 июнь куни Швециядаги ҳужумларни ташкил қилиш билан боғлиқ яна икки киши — Абу Авф ва Абу Куддама ўлдирилди. Бундан ташқари, 26 июнь куни Швецияда ҳужумни ташкиллаштирган ячейка аъзоси Шариф ал-Рагаб ўлдирилди», — дейилади хабарда.
2017 йилнинг 7 апрель куни Оқилов олиб қочилган юк машинасида Стокгольм марказида жойлашган Дроттнинггатан кўчасидаги пиёдалар йўлаги орқали 550 метр масофани босиб ўтган ва 5 кишининг умрига зомин бўлган.
Жорий йилнинг 7 июнь санасида Швеция суди уни террорчиликда, беш кишини ўлдиришда ва 119 эпизодда қотиллик содир этиш борасида айбдор деб топилди ва умрбод қамоқ жазосига ҳукм этди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)