Яман Олий сиёсий кенгаши раиси Маҳди Ал-Машат Россия президенти Владимир Путинга хат йўллади. Хатда Ямандаги сиёсий зиддиятни ечишда Путиндан ёрдам сўралган, деб хабар беради «РБК».
«Хатда икки мамлакат манфаатларига тааллуқли бир неча жиҳатлар, хусусан, Яманга қарши агрессия ва Саудия Арабистони билан иттифоқдош мамлакатларнинг Яман ғарбий соҳилларида ҳарбий низо келтириб чиқараётганига алоҳида урғу берилган», — дейилади хабарда.
Ал-Машатнинг мактубида қайд этилишича, Ходейда шаҳри ва портини қўлга олишга қаратилган ҳарбий ҳаракатлар шунчаки Яманга қарши фитнанинг бир қисми ҳисобланади. Бу фитна, ал-Машатнинг фикрича, орол, порт ва дунёдаги муҳим ҳисобланган навигацион бўғозлар устидан назоратни кучайтиришга қаратилган.
Маҳди Ал-Машат Яман ҳукумати мамлакатда тинчликни таъминлашга қаратилган ҳар қандай хатти-ҳаракатларни қўллаб-қувватлашга тайёр эканлигини ҳам қайд этган.
Изоҳ (0)