Ўзбекистонда йил бошидан буён коррупция ҳолати юзасидан 128 та жиноят фош этилди

Ўзбекистон Республикси Бош прокуратураси ҳузуридаги Иқтисодий жиноятларга қарши курашиш Департаменти маълумотларга кўра, жорий йилнинг ўтган даврида турли ташкилот ва идораларга ишга қабул қилиш жараёнларидаги коррупция ҳолатлари юзасидан 128 та жиноят фош этилган. Бу ҳақда Бош прокуратуранинг Facebook’даги саҳифаси орқали хабар берилди, деб ёзмоқда «Газета.uz».

Шу жумладан, тиббиётда 47 та, фирибгарлар томонидан ҳуқуқ-тартибот органларига ишга олиб кириш ҳолатлари бўйича 27 та, ишлаб чиқариш тармоқларида 24 та, таълимда 17 та, бошқа соҳаларда 5 та, фирибгарлар томонидан фуқароларни ноқонуний чет элга жўнатиш ва жойлаштириш билан боғлиқ жиноятлар сони эса 8 тани ташкил қилди.

Вилоятлар кесимида қараладиган бўлса,

Андижон, Фарғона ва Қашқадарёда 17 тадан;

Бухорода 14 та;

Навоийда 13 та;

Тошкент шаҳрида 12 та;

Тошкент вилоятида 8 та;

Наманганда 7 та;

Қорақалпоғистон Республикаси ва Самарқандда 5 тадан;

Сирдарё ва Хоразм вилоятларида 4 тадан;

Сурхондарё вилоятида 3 та;

Жиззах вилоятида 2 та коррупция билан боғлиқ ҳолат қайд этилган.