O‘zbekistonda yil boshidan buyon korrupsiya holati yuzasidan 128 ta jinoyat fosh etildi

O‘zbekiston Respubliksi Bosh prokuraturasi huzuridagi Iqtisodiy jinoyatlarga qarshi kurashish Departamenti ma’lumotlarga ko‘ra, joriy yilning o‘tgan davrida turli tashkilot va idoralarga ishga qabul qilish jarayonlaridagi korrupsiya holatlari yuzasidan 128 ta jinoyat fosh etilgan. Bu haqda Bosh prokuraturaning Facebook’dagi sahifasi orqali xabar berildi, deb yozmoqda “Gazeta.uz”.

Shu jumladan, tibbiyotda 47 ta, firibgarlar tomonidan huquq-tartibot organlariga ishga olib kirish holatlari bo‘yicha 27 ta, ishlab chiqarish tarmoqlarida 24 ta, ta’limda 17 ta, boshqa sohalarda 5 ta, firibgarlar tomonidan fuqarolarni noqonuniy chet elga jo‘natish va joylashtirish bilan bog‘liq jinoyatlar soni esa 8 tani tashkil qildi.

Viloyatlar kesimida qaraladigan bo‘lsa,

Andijon, Farg‘ona va Qashqadaryoda 17 tadan;

Buxoroda 14 ta;

Navoiyda 13 ta;

Toshkent shahrida 12 ta;

Toshkent viloyatida 8 ta;

Namanganda 7 ta;

Qoraqalpog‘iston Respublikasi va Samarqandda 5 tadan;

Sirdaryo va Xorazm viloyatlarida 4 tadan;

Surxondaryo viloyatida 3 ta;

Jizzax viloyatida 2 ta korrupsiya bilan bog‘liq holat qayd etilgan.