Хитойнинг CCTV-7 телеканали суратга олиш гуруҳи Ўзбекистонда бўлиб, мамлакатнинг сайёҳлик салоҳияти, миллий таомларнинг ўзига хос хусусиятлари ҳақида махсус кўрсатув тайёрлади. Бу ҳақда Туризмни ривожлантириш қўмитаси матбуот хизмати хабар бермоқда.
Ижодий гуруҳ миллий таомларни тайёрлаш жараёнини суратга олиш учун Тошкент, Самарқанд, Бухоро ва Хивада бўлди.
Ташқи ишлар вазирлиги, Туризмни ривожлантириш қўмитаси ва Хитойнинг Ўзбекистондаги элчихонаси кўмагида тайёрланган, ўзбек миллий ошхонасига бағишланган ушбу ҳужжатли фильм яқинда телеканалда намойиш этилди.
Маълумотларга кўра, бу фильмни хитойликлар катта қизиқиш билан кутиб олган. Уни кўрганлар сони 150 миллион нафарни ташкил этмоқда.
Айни вақтда ушбу ҳужжатли фильмни ўзбек тилига таржима қилиш ва маҳаллий телеканалларда намойиш этиш мўлжалланмоқда.
Изоҳ (0)