Ўзбекистонда фаолият юритиб келаётган Муратт қўшма корхонаси колбаса маҳсулотларини ишлаб чиқариш ҳажмларини кўпайтириб, уларни Уммон ва Бирлашган Араб амирликларига экспорт қилади. Бу ҳақда «Халқ сўзи» хабар берди.
Ишлаб чиқариш ҳажмлари кунига икки тоннадан тўрт тоннагача оширилади. Бунинг учун БААдан 1,7 миллион долларлик молиявий ресурслар жалб қилинди. Амирликлар томонидан биргаликда ишлаб чиқариш бўйича таклиф ушбу давлат мутахассислари томонидан Ўзбекистонда тайёрланаётган шу каби маҳсулотлар текшириб чиқилгандан сўнг билдирилди. Меҳмонларга унинг сифати ва нархи тўлиқ манзур бўлган.
БАА ва Уммон истеъмолчилари ўз менталитетларига яқин мамлакатда ишлаб чиқарилган товарларни ижобий қабул қилишини билдирган.
Янги цех учун қурилиш участкасини олиш узоқ вақт муаммо бўлиб келаётган эди. Тошкент шаҳар ҳоким вазифасини бажарувчи Жаҳонгир Ортиқхўжаев тадбиркорлар ва инвесторлар билан ўтказилган учрашув чоғида ишлаб чиқаришни кенгайтириш мақсадида Учтепа туманидан ер участкасини нол қийматда ажратиб бериш бўйича масалани қисқа вақт ичида кўриб берди.
Изоҳ (0)