Олий Мажлис ҳузуридаги Қонунчилик муаммолари ва парламент тадқиқотлари институти фуқаролар репродуктив саломатлигини асраш тўғрисидаги қонун лойиҳасини муҳокама учун тақдим этди, деб ёзади «Газета.uz».
Ҳужжат орқали қонунчиликка фуқароларнинг репродуктив ҳуқуқлари, ёрдамчи репродуктив технологиялар, суррогат оналик, криоконсервация ва донорлик (бошқа шахсларга бепуштликни енгиш учун гаметалар (спермалар, ооцитлар ва эмбрионлар)ни бўлғуси болага нисбатан ота-оналик мажбуриятларисиз тақдим этиш) тушунчалари киритилмоқда.
Репродуктив саломатликни асраш ва оилани режалаштиришнинг асосий тамойиллари сифатида тиббий хизматларнинг кенг тарқалганлиги ва сифати, уларнинг кафолатланган ҳажмининг таъминланиши, шахсий ҳаётга аралашувдан ҳимоя ва оила сирининг сақланиши, одамга нисбатан инсонийлик ва ҳурмат билан муносабат, шунингдек, эркак ва аёлларнинг тенг ҳуқуқлилиги белгиланди.
Қонун фуқароларнинг репродуктив танлов эркинлигини, дискриминация, қўрқитиш ва зўравонликларсиз соғлом оила яратиш ҳақида қарор қабул қилишини, уларнинг шахсий ҳаётига аралашмасликни, шахсий ва оилавий сирлари сақланишини кафолатлаши керак.
Изоҳ (0)