2018 йилда Ўзбекистон ташқи қарзи Ялпи ички маҳсулотга нисбатан 23,7 фоиз ҳажмида бўлиши прогноз қилинмоқда, деб ёзади Spot Молия вазирлиги томонидан эълон қилинган Фуқаролар учун бюджетга таяниб.
Таъкидланишича, давлат қарзининг максимал ҳажми ҳар йили Олий Мажлис Қонунчилик палатаси ва Сенати томонидан келаси йил учун Давлат бюджети ва давлат мақсадли жамғармалари бюджетларини қабул қилиш чоғида белгиланади.
2018 йилда, прогнозларига кўра, ташқи қарз мамлакат Ялпи ички маҳсулотига нисбатан 23,7 фоизни ташкил қилади. 2017 йилда у 18,5 фоизга тенг бўлган (ЯИМ — 249 триллион сўм).
Ўзбекистон давлат қарзининг барчаси ташқи ҳисобланади. Халқаро молия институтлари томонидан асосий кредитлар Осиё тараққиёт банки, Жаҳон банки ва Ислом тараққиёт банкидан олинган.
2018 йилда давлат қарзига хизмат кўрсатишга 952,7 миллиард сўм йўналтирилган. Фоизларни тўлаш учун харажатлар 224 миллиард сўмни, давлат қарзини тўлаш учун харажатлар эса 728,7 миллиард сўмни ташкил қилди.
Изоҳ (0)