Ўзбекистон Республикаси Ички ишлар вазири Пўлат Бобожонов ва Самарқанд вилояти ИИБ бошлиғи Азиз Тошпўлатов вилоят ИИБ ҳузуридаги ИИВ реабилицатия марказида бўлиб, бу ерда саломатлигини тиклаётган осойишталик посбонлари учун яратилган шарт-шароитлар билан танишди, деб хабар бермоқда «Дарё» мухбири Фарҳод Норбўтаев.
Тадбир доирасида Ички ишлар вазири генерал майор Пўлат Бобожонов китоб инсон тафаккурининг маҳсули ва тарих солномаси эканлигини таъкидлаб, китоб сотиб олиш учун йигирма миллион сўм маблағ ажратди.
Пўлат Бобожонов даволаш профилактик муассасасида саломатлигини тиклаётган ички ишлар ходимларига янги замон талабларига жавоб берадиган кутубхонани туҳфа этди. Ушбу зиё масканига қимматбаҳо турдаги турли бадиий адабий, илмий ҳамда диний китоблар тақдим этилди.
Эътироф этиш жоизки ушбу даволаш муассасасида даво топаётган ички ишлар ходимларига яна бир қулайлик яратилди. Энди улар ушбу масканда даволаниш билан бир қаторда шаҳарнинг турли тарихий обидаларига сайёҳат қилиши учун ИИВ томонидан Damas автомашинаси топширилди.
Изоҳ (0)