Олий ва ўрта махсус таълим вазири Ином Мажидов «Газета.uz» га берган интервьюсида олий таълим тизимидаги муаммолар ҳақида гапирди.
Вазирнинг таъкидлашича, олий таълим муассасаларида коррупция ривожланишида талабаларнинг ҳам ҳиссаси бор.
Тест синовининг камчилиги шундаки, абитуриент иккита фандан яхши тайёрланиб, олий таълим муассасасига кириш учун етарли балл тўплаб, талаба бўлиши мумкин. Бироқ олий таълим муассасасида бошқа фанлар ҳам бор. Талабаларнинг бир қисми мактаб ва коллежларда олиниши зарур бўлган билимларсиз ўқишга киради.Ином Мажидов битирувчиларнинг ишга жойлашиши ҳақида гапирар экан, олий таълим муассасаси ва битирувчилар ўртасида алоқа механизми йўқлигини ҳам таъкидлаб ўтди.Сессия вақтидаги коррупция — билимнинг етарли базасига эга бўлмаган талабалар томонидан талаб ва ноинсоф ўқитувчилар томонидан таклифнинг оқибати.
Ойлик — муҳим, бироқ у ягона фактор эмас. Ўқитувчиларда маънавий ва этик нормалар бўлиши керак. Бу масалани тизимли иш, талаб ва қатъий тартибда саралаш орқали ҳал қилиш мумкин.
Бошқа томондан тест технологиясининг яхши томони шундаки, шакл ва мазмун номукаммал бўлса ҳам, унинг ташкил этилиши абитуриентга етарли билим билан талаба бўлиш имконини беради.
Ином Мажидов, Олий ва ўрта махсус таълим вазири
«Ҳар бир олий таълим муассасаси ўз талабаларининг ишга жойлашгани ҳақидаги статистикани олиб боради. Тахминан 80 фоиз битирувчилар ОТМни битирганидан сўнг 6 ой ичида ишга жойлашади. Шу билан бирга бизда талабаларнинг мутахассислиги бўйича ишга жойлашиши мониторинг қилинмайди, бу жуда қийин. Олий таълим муассасаси ва битирувчилар ўртасида алоқа механизми мавжуд эмас», — дейди олий ва ўрта махсус таълим вазири.
Изоҳ (0)