Oliy ta’lim vaziri Inom Majidov: OTMlarda korrupsiya rivojlanishida talabalarning ham hissasi bor

Oliy va o‘rta maxsus ta’lim vaziri Inom Majidov “Gazeta.uz” ga bergan intervyusida oliy ta’lim tizimidagi muammolar haqida gapirdi.

Vazirning ta’kidlashicha, oliy ta’lim muassasalarida korrupsiya rivojlanishida talabalarning ham hissasi bor.

Test sinovining kamchiligi shundaki, abituriyent ikkita fandan yaxshi tayyorlanib, oliy ta’lim muassasasiga kirish uchun yetarli ball to‘plab, talaba bo‘lishi mumkin. Biroq oliy ta’lim muassasasida boshqa fanlar ham bor. Talabalarning bir qismi maktab va kollejlarda olinishi zarur bo‘lgan bilimlarsiz o‘qishga kiradi.

Sessiya vaqtidagi korrupsiya — bilimning yetarli bazasiga ega bo‘lmagan talabalar tomonidan talab va noinsof o‘qituvchilar tomonidan taklifning oqibati.

Oylik — muhim, biroq u yagona faktor emas. O‘qituvchilarda ma’naviy va etik normalar bo‘lishi kerak. Bu masalani tizimli ish, talab va qat’iy tartibda saralash orqali hal qilish mumkin.

Boshqa tomondan test texnologiyasining yaxshi tomoni shundaki, shakl va mazmun nomukammal bo‘lsa ham, uning tashkil etilishi abituriyentga yetarli bilim bilan talaba bo‘lish imkonini beradi.

Inom Majidov, Oliy va o‘rta maxsus ta’lim vaziri

“Har bir oliy ta’lim muassasasi o‘z talabalarining ishga joylashgani haqidagi statistikani olib boradi. Taxminan 80 foiz bitiruvchilar OTMni bitirganidan so‘ng 6 oy ichida ishga joylashadi. Shu bilan birga bizda talabalarning mutaxassisligi bo‘yicha ishga joylashishi monitoring qilinmaydi, bu juda qiyin. Oliy ta’lim muassasasi va bitiruvchilar o‘rtasida aloqa mexanizmi mavjud emas”, — deydi oliy va o‘rta maxsus ta’lim vaziri.