Тошкент шаҳридаги «Туркистон» меҳмонхонасининг конференциялар залида Ўзбекистон ва Беларусь Ички ишлар вазирликлари вакиллари иштирокида учрашув бўлиб ўтди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Унда Беларусь Ички ишлар вазирининг биринчи ўринбосари, генерал-майор Иван Подгурский бошчилигидаги делегация аъзолари ва Ўзбекистон Ички ишлар вазирининг биринчи ўринбосари, генерал-майор Даврон Назармухамедов, вазирликнинг бир қатор бошқармалари бошлиқлари иштирок этди.
Учрашувда томонлар умумжиноят ҳатти-ҳаракатларига қарши курашиш ва қидирув ишларини олиб бориш, терроризм, экстремизм ва ноқонуний миграцияга қарши курашиш, нарко хавф-хатарларни бартараф этиш борасида ўзаро ҳамкорликнинг бугунги ҳолати ва келгусидаги истиқболларини муҳокама қилди.
Мувофиқлаштирувчи ишчи гуруҳ раҳбарлари томонидан 2018—2019 йилларда Ўзбекистон ва Беларусь Ички ишлар вазирликларининг ўзаро ҳамкорликлари тўғрисидаги ҳужжат имзоланди.
Изоҳ (0)