Андижонда Президент фармонига мувофиқ Ўзбекистон Республикаси фуқаролигига қабул қилинган 59 нафар шахсга фуқаролик паспортлари тантанали равишда топширилди, деб хабар беради ЎзА.
Тадбирда Андижон вилоят ҳокими Шуҳрат Абдураҳмонов мамлакат фаровонлиги йўлида сидқидилдан меҳнат қилаётган, аммо ўзларига боғлиқ бўлмаган ҳолатларга кўра фуқаролиги бўлмаган шахсга айланиб қолган инсонларнинг ҳаётий муҳим масалаларини ҳал этишга давлат раҳбари алоҳида эътибор қаратаётганини таъкидлади.
«Бугун мендан бахтиёрроқ инсон йўқ. Ўзбекистон фуқаролигига қабул қилиндим. Кўнглимдаги кемтик тўлди. Бунинг учун Президентимиздан беҳад миннатдорман», — дейди Қирғизистон республикасида туғилган, ҳозирда Андижон туманида яшовчи фуқаро Мукуйма Жўрахонова.
Изоҳ (0)