АҚШ таълим муассасаларига ирқи туфайли ўқувчини қабул қилмаслик тақиқланди

АҚШда таълим муассасаларига қабул қилишда ирқий мансубликни ҳисобга олиш тақиқланди, деб ёзмоқда «Meduza».

2011 йили Оқ уй мактаблар ва олий таълим муассасаларига қабул вақтида ирқий мансубликни ҳисобга олиш ҳақида расмий қарор чиқарган эди.

Ҳужжатга кўра, таълим даргоҳлари маъмуриятлари муассасада ирқий хилма-хилликни ҳисобга олган ҳолда ўқувчини қабул қилиш ёки қабул қилмасликка қарор қилган.

Мазкур қарорнинг қабул қилинишига қадар Жорж Буш-кичкина даврида қабул қилинган қонун амалда бўлган. Унга кўра, университет ва коллежлар ўқувчиларни қабул қилишда ирқий мансубликка нейтрал қараши керак бўлган.

Ўтган ҳафтада таълим вазирлиги расмий сайтида Буш-кичкина давридаги қарор эълон қилинган. 3 июль, сешанба куни таълим ва адлия вазирликлари Обама даврида ижобий дискриминация тўғрисида қабул қилинган қонунни бекор қилишини хабар қилган. Келиб чиқишига кўра осиёлик бўлган АҚШ фуқароларининг қилган шикоятлари Қонуннинг бекор қилинишига сабаб бўлган.

Вазирликнинг маълумот беришича, 15 июнь куни Гарвард университетига 60 дан ортиқ ҳуқуқни муҳофаза қилувчи ташкилотлар арз қилган. Улар осиёлик фуқаролар ҳуқуқларини ҳимоя қилишни талаб қилган. Уларнинг фикрича, АҚШдаги энг нуфузли университетлардан бири осиёлик талабаларни қабул қилишдан бош тортган. Ваҳоланки, улар имтиҳонларни бошқалардан юқори баҳоларга топширган. Шунга қарамасдан, университет маъмурияти уларни қабул қила олмаслиги, негаки таълим муассасасидаги ирқий мувозанат бузилишини айтган. Гарвард университети маъмурияти айбини тан олмаган.

Ҳозирча арз бўйича бир қарорга келинмаган. Мамлакат бош прокурори Жефф Сешнс президент Обама даврида қабул қилинган ижобий ирқий дискриминация тўғрисидаги қонунни «кераксиз, эски, амалдаги қонунчиликка зид» деб атаган.

Гарвард университетининг матбуот хизмати талабаларни қабул қилишда уларнинг ирқий мансублиги ҳисобга олинишда давом этишини айтган. Университет ҳуқуқшуносларининг фикрича, ижобий ирқий дискриминация АҚШ Олий суди томонидан 40 йилдан буён қўллаб-қувватланиб келмоқда.

Бош прокурор Сешнс янги қонунга риоя қилмаган университетларга нисбатан чора кўрилишини маълум қилган.