Сурхондарё вилояти ИИБ Ҳарбий сафарбарлик бўлими ходимлари томонидан жорий йилнинг 29 июнь куни 2018 йил учун мўлжалланган ўқув машғулотлари юзасидан Жарқўрғон тумани хавфсизлигини таъминлаш бўйича Сурхондарё вилояти Ички ишлар бошқармаси шахсий таркиби томонидан Жарқўрғон шаҳрининг «Сурхон-соҳили» маҳалла фуқаролар йиғинида махсус тактик амалий ўқув машғулоти ўтказилди. Бу ҳақда вилоят ИИБ матбуот хизмати «Дарё»га хабар бермоқда.
Ушбу тадбирда барча ҳуқуқни муҳофаза қилувчи орган ходимларининг жанговар шайлик даражаси оширилиб, Жарқўрғон шаҳар ҳудудини фавқулодда вазиятлар содир бўлганида шахсий таркиб томонидан тўғри қарор қабул қилиши, белгиланган нуқталарда постларда хизмат олиб боришлари, ИИВнинг махсус режаларига асосан ишларни тўғри ташкиллаштирилиши барча шахсий таркибга ўқув машғулоти давомида ўргатилди.
Шу қаторда ўқув машғулоти давомида Сурхондарё вилояти Ички ишлар бошқармаси ва Жарқўрғон тумани Ички ишлар бўлими шахсий таркиби томонидан режаларга асосан вазифаларни бажаришлари юзасидан назарий машғулот ўтказилиб, шахсий таркибнинг жанговар шайлик даражаси оширилди.
Изоҳ (0)