Тошкент шаҳар божхона бошқармаси Контрабанда ва божхона қонунчилиги бузилишига қарши курашиш бўлими ҳамда «Келес» темир йўл чегара божхона пости ходимлари томонидан ҳуқуқни муҳофаза қилувчи бошқа идоралар вакиллари билан ҳамкорликда рангли металлдан ишланган симларининг Ўзбекистондан олиб чиқиб кетилиши олди олинди. Бу ҳақда Тошкент шаҳар божхона бошқармаси ахборот хизмати хабар берди.
«Тошкент—Уфа» йўналиши бўйича ҳаракатланаётган йўловчи ташиш поезди божхона кўригидан ўтказилганда, йўловчилардан бири йўловчи божхона декларациясида ва божхона ходимларининг оғзаки сўрови пайтида маълум қилмасдан туриб, 470 килограмм оғирликдаги 13 ўрамда никелли симларни олиб чиқмоқчи бўлганлиги аниқланди.
Таъкидлаш жоизки, жорий йилнинг ўтган даври мобайнида Ўзбекистон божхоначилари томонидан олиб борилган тезкор тадбирлар давомида 51 та ҳолатда 50 тоннага яқин рангли ва қора металларнинг ноқонуний айланмасига чек қўйилган.
Ҳозирда юқоридаги ҳолат юзасидан божхона текширувлари давом эттирилмоқда.
Изоҳ (0)