Журналистика ва оммавий коммуникациялар университетига 2018—2019-ўқув йили учун қабул эълон қилинди

Ўзбекистон Президентининг 2018 йил 24 майдаги «Ўзбекистон Республикаси Журналистика ва оммавий коммуникациялар университетини ташкил этиш тўғрисида»ги қарорига асосан ўз фаолиятини бошлаган Журналистика ва оммавий коммуникациялар университети 2018—2019-ўқув йили учун бакалавр таълим йўналишлари ва магистратура мутахассисликлари бўйича қабул эълон қилади. Бу ҳақда университет матбуот хизмати хабар берди.

Университетга умумий ўрта таълимни (11-синф базасида) тамомлаганлик тўғрисида шаҳодатнома (аттестат) ёки академик лицей, касб-ҳунар коллежи дипломига эга бўлган фуқаролар танлов асосида қабул қилинади.

Қабул квоталари қуйидагича:

Бакалавр таълим йўналишлари бўйича (умумий 100 нафар талаба).

1. Интернет журналистика йўналиши — умумий 10 нафар (3 грант, 7 контракт);
2. Медиадизайн йўналиши – умумий 10 нафар (3 грант, 7 контракт);
3. Босма оммавий ахборот воситалари журналистикаси – умумий 15 нафар (5 грант, 10 контракт);
4. Медиамаркетинг ва реклама – умумий 10 нафар (3 грант, 7 контракт).

1. Телерадиожурналистика йўналиши – умумий 15 нафар (5 грант, 10 контракт);
2. Спорт журналистикаси йўналиши – умумий 10 нафар (3 грант, 7 контракт);
3. Халқаро журналистика йўналиши – умумий 10 нафар (3 грант, 7 контракт);
4. Жамоатчилик биан алоқалар йўналиши – умумий 20 нафар (6 грант, 14 контракт).

Магистратура мутахассисликлари бўйича (умумий 30 нафар магистр):

«Интернет журналистика ва ижтимоий тармоқлар» факультети:

1. Интернет журналистика мутахассислиги – умумий 3 нафар (1 грант, 2 контракт);
2. Босма оммавий ахборот воситалари мутахассислиги – умумий 3 нафар (1 грант, 2 контракт);
3. Ноширлик иши ва муҳаррирлик мутахассислиги – умумий 3 нафар (1 грант, 2 контракт);
4. Медиаменежмент мутахассислиги – умумий 3 нафар (1 грант, 2 контракт).

1. Халқаро журналистика мутахассислиги – умумий 3 нафар (1 грант, 2 контракт);
2. Ахборот хизматлари технологиялари мутахассислиги – умумий 3 нафар (1 грант, 2 контракт);
3. Телевидение ва радиоэшиттириш мутахассислиги – умумий 3 нафар (1 грант, 2 контракт);
4. Сиёсий-ҳуқуқий журналистика мутахассислиги – умумий 3 нафар (1 грант, 2 контракт).

Қабул жараёни бошқа ОТМлардаги каби 15 июндан 15 –июлга қадар давом этади.

Ўзбекистон Журналистика ва оммавий коммуникациялар университетига 2018—2019-ўқув йили учун қабул: Инҳа университети биносида бўлиб ўтади.

Манзил: Тошкент шаҳри Мирзо Улуғбек тумани, «Зиёлилар» кўчаси, 9 –уй.