Россиялик кинорежиссёр, сценарист ва давлат арбоби Станислав Говорухин 82 ёшда вафот этди. Бу ҳақда Sputnik хабар бермоқда.
Станислав Говорухин кўплаб машҳур кинофильмларни суратга олган. Улар орасида Владимир Висоцкий иштирокида суратга олинган «Вертикал» ва «Учрашув жойини ўзгартириб бўлмайди» фильмлари, ва ундан ташқари «ХХ аср қароқчилари», «Капитан Грантни излаб», «Ўнта негр боласи », «Ворошиловлик ўқотар», «Том Сойёрнинг саргузаштлари» ва яна ўнлаб асарлар бор.
Станислав Говорухин кино санъатидан ташқари Россиянинг ижтимоий ҳаёти ва давлат бошқарувида ҳам фаол иштирок этиб келган. У 2000 йилда президентликка номзод бўлган, ундан сўнг «Ягона Россия» партиясининг фаол аъзоси ва депутат лавозимида ишлаб келган.
Изоҳ (0)