Rossiyalik kinorejissor, ssenarist va davlat arbobi Stanislav Govoruxin 82 yoshda vafot etdi. Bu haqda Sputnik xabar bermoqda.
Stanislav Govoruxin ko‘plab mashhur kinofilmlarni suratga olgan. Ular orasida Vladimir Visotskiy ishtirokida suratga olingan “Vertikal” va “Uchrashuv joyini o‘zgartirib bo‘lmaydi” filmlari, va undan tashqari “XX asr qaroqchilari”, “Kapitan Grantni izlab”, “O‘nta negr bolasi ”, “Voroshilovlik o‘qotar”, “Tom Soyyorning sarguzashtlari” va yana o‘nlab asarlar bor.
Stanislav Govoruxin kino san’atidan tashqari Rossiyaning ijtimoiy hayoti va davlat boshqaruvida ham faol ishtirok etib kelgan. U 2000-yilda prezidentlikka nomzod bo‘lgan, undan so‘ng “Yagona Rossiya” partiyasining faol a’zosi va deputat lavozimida ishlab kelgan.
Izoh (0)