Буд тропик тўфони биринчи тоифадаги довулга айланди. Довулнинг шамол тезлиги соатига 150 километрга етади ва Мексика қирғоқларига яқинлашмоқда. Бироқ айни вақтда у қирғоқдан 410 километр узоқда турибди. Бу ҳақда «Корреспондент.net» хабар берди.
Синоптикларнинг маълумотларига кўра, довул Мексиканинг қирғоқбўйидаги Мичоакан, Халиско, Колима ва Герреро штатларига ёпирилади.
Мексика ҳукумати довул хавф солаётган ҳудудлар аҳолисини ва сайёҳларни «фавқулодда эҳтиёт бўлишга» ва ҳукуматнинг барча кўрсатмаларини бажаришга чақирмоқда. Ҳозирча эвакуация ҳақида маълумот йўқ.
Изоҳ (0)