АҚШ Россиянинг уч нафар жисмоний шахси ва бешта компаниясини санкциялар рўйхатига киритди. Бу ҳақда АҚШ молия вазирлиги томонидан баёнот берилди, деб ёзмоқда «РИА Новости».
Чеклов таъсирига Олег Чирков, Владимир Каганский ва Александр Трибун тушган. Уларнинг барчаси «Дайвтехноцентр» компанияси билан боғлиқ.
Санкциялар рўйхатига Digital Security, «Дайвтехноцентр», Квант илмий-тадқиқот институти, ERPScan ва Embedi компаниялари ҳам кирган.
Америка томонидан қайд этилишича, бу тузилмаларнинг барчаси Федерал хавфсизлик хизмати билан боғланган.
АҚШ молия вазири Стивен Мнучин томонидан таъкидланишича, бу компаниялар «Вашингтон ва унинг иттифоқчилари хавфсизлигига раҳна солади». «Рус таҳдиди»га мисол сифатида NotPetya вирусининг ҳужуми келтириб ўтилган. АҚШ бу вирус учун Москва жавобгар, деб ҳисобламоқда.
Рўйхатга киритилган шахсларнинг АҚШ ҳудудидаги активлари музлатилган, фуқаролар ва мамлакатнинг доимий яшовчиларига улар билан бирор бир иш қилиш тақиқланади.
Изоҳ (0)