Филадельфия ҳукумати зўрлаш ҳамда қотиллик юзасидан 25 йил қамоқда ўтирган Энтони Райтга 9,85 миллион доллар компенсация тўлашга рози бўлди. Бу ҳақда Philly Voice’га таяниб, Forum Daily хабар берди.
1991 йилда Райт Шимолий Филадельфияда 77 ёшли аёлда зўрлаб, уни ўлдирганликда айбланиб ҳибсга олинган. Эркак ўзининг айбсиз эканлигини таъкидлаган, бироқ 2013 йилдагина ДНК таҳлили қотилликни бошқа бир инсон — Рони Берд амалга оширганини исботлаган. Бу вақтда эса Берд тирик бўлмаган.
Жиноят иши материалларида ёзилишича, 1991 йилда детективлар ва полициячилар Райтнинг айбини исботлаш учун далилларни сохталаштирган.
Суд 2016 йилнинг августида Райтни айбсиз деб топган ва қамоқдан озод этган. Шаҳар ҳукумати компенсацияни бир неча қисмга бўлиб тўлайди. Июнь охирида Райт дастлабки бадални — 4 миллион долларни олади.
«Мен иккала томон ҳам якдил фикрга келганидан хурсандман. Райт бутун жараён давомида ўзининг юксак фазилатини намойиш этди ва умид қиламанки ушбу қарор бўлиб ўтган барча ишлардан сўнг, фойдали бўлади», — дейди Филадельфия мэри Жим Кенни.
Изоҳ (0)