Тошкент шаҳридаги Инҳа университетида (IUT) Колумбия университети талабалари ва битирувчилари билан учрашув бўлиб ўтди. Бу ҳақда университет матбуот хизмати хабар берди.
Ҳамкорликни ривожлантириш ва ҳомийларни жалб қилиш бўлими бошлиғи Фирдавс Қутлиев АҚШ университетининг делегациясини қутлади.
Учрашув давомида Фирдавс Қутлиев АКТ ва логистика соҳасида кадрларни тайёрлайдиган ўқув юртининг фаолияти тўғрисида гапириб берди. Шунингдек, меҳмонларга университетнинг иқтисодиётнинг турли тармоқлари ҳамда ўқув юртлари билан ҳамкорлик ўрнатиш йўлидаги саъй-ҳаракатлари тўғрисида маълумот берилди.
Томонлар Ўзбекистон ва АҚШ таълим тизимлари ҳамда Ўзбекистонда ёшларнинг билим олиши учун яратилган шароитларни муҳокама қилишди.
Изоҳ (0)