Кеча, 31 май санасида Россиянинг Санкт-Петербург шаҳрида бокс бўйича «Губернатор Кубоги» мусобақаси якунига етди, деб ёзади МОҚ матбуот хизмати.
Мусобақа финалида ўзбекистонлик етти нафар боксчи рингга чиқиши ҳақида хабар берилганди. Ўтказилган жанг якунларига кўра, тўрт нафар ўзбекистонлик боксчи финалда рақиблари устидан ғалаба қозониб, мусобақанинг олтин медалига эга чиқди.
-49 кг вазнда рингга чиққан Ҳасанбой Дўсматов россиялик Батор Сагалуевга 3:2 ҳисобида имкониятни бой берди.
56 кг вазнда финалда ўзаро дуч келган икки ўзбекистонлик боксчи — Шаҳобиддин Зоиров ва Миразиз Мирзахалилов жангида 5:0 ҳисобида Миразиз ғалаба қозонди.
60 кг вазнда финал рингига кўтарилган Шунқор Абдурасулов эса Альберт Батиргазиевга 1:4 ҳисобида мағлуб бўлди.
75 кг вазнли боксчилар ўртасидаги финал жангида Исроил Мадримов россиялик Глеб Бахшини 5:0 ҳисобида маҳв этди.
81 кг вазнда эса Бектемир Мелиқўзиев россиялик Георгий Кушиташвили устидан 3:2 ҳисобида ғалаба қозониб, мусобақа олтин медалига эга чиқди.
+91 кг вазн тоифасида рингга кўтарилган Баҳодир Жалолов россиялик рақиби Владислав Муравинни иккинчи раундда нокаутга учратиб, олтин медални қўлга киритди.
Финал жанглари:
-49 кг: Ҳасанбой Дўсматов – Батор Сагалуев (Россия) 2:3
-56 кг: Шаҳобиддин Зоиров – Миразиз Мирзаҳалилов 0:5
-60 кг: Шунқор Абдурасулов – Альберт Батиргазиев (Россия) 1:4
-75 кг: Исроил Мадримов – Глеб Бакши (Россия) 5:0
-81 кг: Бектемир Мелиқўзиев – Георгий Кушиташвили (Россия) 3:2
+91кг: Баҳодир Жалолов – Владислав Муравин (Россия) (иккинчи раундда нокаут)
Ярим финалда мағлуб бўлган Жасурбек Латипов, Иқболжон Холдоров ва Санжар Турсуновлар бронза медали билан кифояланди.
Ўзбекистон термаси мусобақа якунларига кўра 4 та олтин, 3 та кумуш ва 3 та бронза медаллари билан умумжамоа ҳисобида иккинчи ўринни қўлга киритди.
Изоҳ (0)